Dəri ətək, şortik və şalvarların necə uyğunlaşdırılacağını bilmirsiniz? Elə isə yazımızı oxumağa davam edin.

Dəri heç bir zaman dəbdən düşməyən geyim materiallarından biridir. Bəs onları necə istifadə etməli?

İpəkli bir köynəyi yüksək belli dəri ətəyin altına qoyaraq bir tərz yarada bilərsiniz. Dəri ətəklər ilə çox yaxşı gedən digər bir şey də biləkdə bitən ayaqqabılardır. Tünd rəngdə dodaq boyası ilə tərzinizə iddialı bir görünüş qata bilərsiniz.

Dəri və süni dəri şalvarlar ilə bu mövsüm gözəl görünmək olar. Altından uzun burunlu, dikdaban ayaqqabılar geyinmək məsləhətdir. Açıq rəngli aksesuarlardan və təbii tonlarda dodaq boyasından istifadə edin.

Dəri şortiklər həm sport stildə, həm də zərif görünə bilər. Vacib olan necə ayaqqabı və üst geyimi ilə tamamladığınızdır. Çalışın ki, sport stildə ayaqqabılara üstünlük verəsiniz. Gözəl bir gün eynəyi və rahat bir çanta ilə bir çox yerə gedə bilərsiniz.