Vəsaitlər:

125 qr yumşaq marqarin (yarım paket),

1 ədəd yumurta,

1 su stəkanı pudra şəkəri,

Yarım su stəkanı nişasta,

Yarım çay stəkanı maye yağ,

1 çay qaşığı qabartma tozu,

1 paket vanil (5 qr),

3 yemək qaşığı kakao,

2,5 su stəkanı un.

Üzəri Üçün:

1 çay stəkanı toz şəkər,

Şokolad sousu.

Hazırlanması:

Bir qaba yumşaq marqarini, yumurtanı, nişasta, pudra şəkərini, maye yağı, vanil, kakaonu və qabartma tozunu qoyub yaxşıca qarışdıraq. Üzərinə az-az un əlavə edib yumşaq konsistensiyalı bir xəmir yoğuraq. Xəmirdən qoz böyüklüyündə parçalar qoparıb yumrulayaq. Hazırladığımız peçenyeləri şəkərə bulayıb nimçəyə düzək. Sonra peçenyelərin ortasını barmağımızla dərinləşdirək. Əvvəldən isidilmiş 185° sobada üzərləri qızarana qədər 15-20 dəqiqə bişirək. Peçenyelər yüngül qabaracaq. Sobadan alınan peçenyelərin ilk istiliyi çıxdıqdan sonra ortasındakı boşluğa şokolad sousu sıxıb üzərinə şəkər tozu səpin.