Detoks suyu hazırlayarkən limondan cəfəriyə, xiyardan alma sirkəsinə qədər bir çox ərzaqdan istifadə edə bilərsiniz. Bu ərzaqları sizə təqdim edirik:

• Alma sirkəsi
• Limon
• Gilas
• Darçın
• Qərənfil
• Təzə nanə
• Xiyar
• Ananas
• Portağal
• Greyfrut
• Təzə zəncəfil
• Əncir
• Ərik
• Şüyüd
• Yaşıl çay
• Naringi
• Mineral su
• Cəfəri
• Çiyələk

Detoks suyu necə hazırlanır?
Detoks suyu hazırlamaq həqiqətən də çox asan ve ekonomikdir! Bir litr suyun içinə lazım olan ədvalar əlavə edilir, səhərə qədər saxlanılır və gün ərzində 1 stəkan olmaqla bir neçə dəfə içilir. İstədiyiniz çəkiyə gələnə qədər detoks suyunu hər gün içməlisiniz.
Bir neçe detoks suyu reseptini sizinlə paylaşırıq:

Darçınlı detoks suyu
Tərkibi:
1 litr otaq temperaturunda olan su
1 ovuc içi cəfəri
Yarım limon
1 ədəd çubuq darçın
Hazırlanması:
Detoks suyu gecədən hazırlanır. 1 litr suyu dolçaya töküb, içinə limon, darçın və cəfərini əlavə edib qarışdırın. Qapağını örtüb soyuducuda və ya otaqda sabaha qədər saxlayın.
Səhəri gün 1 litr detoks suyunu hər saat başı bir stəkan içib qurtarın.

Portağallı detoks suyu
Tərkibi:
1 litr otaq temperaturunda olan su
Yarım portağal
1 çay qaşığı qərənfil
1 ovuc təzə nanə
Hazırlanması:
1 litr suya portağal, qərənfil və nanəni töküb qarışdırın. Bunu da eyni üsulla, yəni, ya soyuducuda, ya da otaqda saxlayın.
Bunu da 1 stəkan olmaqla hər saatdan bir içib qurtarın.

Detoks suyunun faydaları nələrdir?
Detoks suyu içməyin aşağıdakı faydaları var:

• Bədənin daha çox kalori itirməsini təmin edir.
• Şirniyyat istəyini kəsərək çəki atmağa kömək edir.
• Metabolizmanı gücləndirməklə arıqladır.
• Enerjili və gümrah olmağa kömək edir.
• İmmun sistemini gücləndirir.
• Böyrək və sidik yollarını təmizləyir.