“Buğa bürcünün ümumi xüsusiyyətləri

Buğa bürcünün ümumi xüsusiyyətləri

Buğa bürcü insanları bəzən sabit fikirli və sıxıcıdır. Lakin bunun qarşılığında, adətən olduqca sevimli və mehriban insanlardır. Hər kəslə necə davranacağını yaxşı bildiyi üçün bir çoxları ilə asan yola getməyi bacarır. Ancaq bu yad insanlara qarşı da səmimi davranacağı anlamına gəlmir. Şübhəçi və qərarsız xarakterli Buğa, yadlara qarşı soyuq və çəkingən davrana bilər. Buğalar hisslərindən çox məntiqi ilə hərəkət etməyi sevən insanlardır. Bu səbəblə də asanlıqla risk etməz və səhvə yol verməzlər.

Buğa bürcü insanları başlayacağı iş üzərində uzun müddət düşünərək, hər addımlarını hesablamağı sevirlər. Hazırladıqları planın reallaşmasını səbrlə gözləyirlər. Plan və proqram hazırlamağı və nizamlı hərəkət etməyi çox sevirlər. Rahatlıqlarına olduqca düşkündürlər. Bu səbəbdən də evinin də rahat olması onlar üçün çox vacibdir. Rahatlıqla yanaşı gözəlliyə də olduqca önəm verirlər. Pula qarşı düşkünlüyünün də əsas səbəbi elə budur. Onlar pulu istəklərini əldə etmək üçün bir vasitə olaraq görürlər. Puldan və gözəllikdən başqa heyran olduğu bir digər şey də uğurdur. Belə demək mümkündürsə, uğura qarşı düşkünlükləri onların zəif nöqtəsidir.

Buğalar uğurlu insanlarla yaxın dostluqlar qurmaq istəyirlər. Öyrəşdikləri şeylərdən əl çəkmək onlar üçün çox çətindir. Ən pis cəhətləri isə inadcıl olmalarıdır. İdarə olunmağa və əmr almağa isə demək olar ki, dözümsüzdürlər. Onlar fikirlərini bildirdikləri anda bu onların fikrinin bir daha heç vaxt dəyişməyəcəyi anlamına gəlir. Son söz artıq deyilmişdir. Buğa bürcü insanlarının bir digər önəmli xüsusiyyəti də yüksək zövqə malik olmasıdır. Bəzi Buğaların içində bir sənətçi olduğunu da demək olar. Onlar etdikləri işlərlə də daim bunu sübut etməyi bacaran insanlardır.

Buğa bürcü bütün bürclər arasında ən əzmli və ən inadcıl bürcdür. İstədiyini əldə etməyi bacaran bir xarakterə sahibdir. Hər hansı bir şeyi etməyə qərar verənədək uzun müddət düşünür. Daha sonra isə məqsədinə çatmaqda onu heç bir şey əngəlləyə bilməz. Onlar həyatdan nə istədiklərini çox yaxşı bilirlər.

Etibarlı və sadiq olmaları onların ən önəmli xüsusiyyətlərindən biridir. Onların ən önəmli xüsusiyyətlərindən bir digəri isə səbrli olmalarıdır. Hansısa çətinliyə uzun müddət tab gətirə və bir yerə qədər edilən səhvləri belə görməzliyə vura bilərlər. Ancaq haqsızlığa uğradıqlarını, aldadıldıqlarını hiss etdiklərində qəzəblənirlər. Bu zaman onlar əsəbi şəkildə gedər və bir daha qayıtmazlar.

Onlar hərəkətli bir həyat tərzinə öyrəşmiş deyillər. Sabit həyat tərzi onlar üçün daha rahatdır. Praktik zəkaları, ciddi olmaları hamı tərəfindən bilinən bir digər xüsusiyyətləridir. Qalıcı gözəlliklərə çox böyük önəm verirlər. Onlar üçün gözəl bir ev, səmimi münasibət, rahat həyat olduqca önəmlidir. Hər hansı bir mövzuda xəyal qırıqlığı yaşadıqda isə hökmedici və qısqanc birinə çevrilə bilərlər.

Buğa bürcü paylaşmağı bilən və xırda sevinclərlə belə xoşbəxt olmağı bacaran bir xüsusiyyətə sahibdir. Dost olaraq olduqca diqqətli və vəfalıdır. Buğa bürcü hüzur insanıdır. Mənfi hallardan uzaqdır və yalnız gözəl şeylərlə maraqlanmaq istəyir. Buğa bürcü insanları çox mübahisə etməyi sevmirlər. Ancaq səbrlərinin sərhəddi aşıldıqda gözlənilməyən qəzəbli reaksiyalar verə bilərlər. Adətən sakit və səssiz davranışlara sahibdirlər. Dostluq onlar üçün çox önəmlidir. Kin saxlamazlar, bağışlayan və mərhəmətlidirlər. İnsanların dürüst davranması onlar üçün çox önəmlidir. Kömək istəyən insanlar üçün əllərindən gələni etməyi sevirlər. Dəyişikliyi sevmirlər. Soyuqqanlı olmağı həmişə bacarırlar. Həyatın çətinliklərinə qarşı dözümlüdürlər və bunun öhdəsindən gəlmək onlar üçün çətin deyil.

Buğa insanları çox məsuliyyətli, insancıl və mehriban insanlardır. Onlar sevgi və diqqətə qarşı olduqca həssasdırlar. Diqqət mərkəzində olmağı çox sevirlər. Bu onlarda uşaqlıqdan gələn bir xüsusiyyətdir. Ancaq heç bir zaman ilk addımı atmazlar. Onlar yaxın çevrələrində olan insanlarla yaxşı yola getməyi bacarırlar.

 

 Qoç bürcünün ümumi xüsusiyyətləri Qoç bürcünün ümumi xüsusiyyətləri
 Əkizlər bürcünün ümumi xüsusiyyətləri Əkizlər bürcünün ümumi xüsusiyyətləri
 Xərçəng bürcünün ümumi xüsusiyyətləri Xərçəng bürcünün ümumi xüsusiyyətləri
 Şir bürcünün ümumi xüsusiyyətləri Şir bürcünün ümumi xüsusiyyətləri
 Qız bürcünün ümumi xüsusiyyətləri Qız bürcünün ümumi xüsusiyyətləri
 Tərəzi bürcünün ümumi xüsusiyyətləri Tərəzi bürcünün ümumi xüsusiyyətləri
 Əqrəb bürcünün ümumi xüsusiyyətləri Əqrəb bürcünün ümumi xüsusiyyətləri
 Oxatan bürcünün ümumi xüsusiyyətləri Oxatan bürcünün ümumi xüsusiyyətləri
 Oğlaq bürcünün ümumi xüsusiyyətləri Oğlaq bürcünün ümumi xüsusiyyətləri
 Dolça bürcünün ümumi xüsusiyyətləri Dolça bürcünün ümumi xüsusiyyətləri
 Balıq bürcünün ümumi xüsusiyyətləri Balıq bürcünün ümumi xüsusiyyətləri

Məqalə xoşuna gəldi? Elə isə "Bəyən" düyməsinə bas!

Şərh yaz, fikirlərini bölüş!